मुंबई : अदानी समूहासाठी २०२३ ची सुरुवात खूपच वाईट राहिली. पहिल्याच महिन्यात, २४ जानेवारी २०२३ रोजी, हिंडनबर्ग या अमेरिकन शॉर्ट सेलर कंपनीने अदानी समूहावरील संशोधन अहवाल प्रकाशित केला आणि गौतम अदानींचे साम्राज्य हादरले. दोन महिन्यांत अशी उलथापालथ झाली की अदानी समूहाने एकामागून एक अनेक करार रद्द केले. दिवसेंदिवस होत असलेल्या नुकसानीमुळे अदानींची एकूण संपत्ती ६० अब्ज डॉलरपर्यंत घसरली. दरम्यान, गेल्या काही महिन्यांत अदानीच्या शेअर्समध्ये तेजी दिसून आली असली तरी हिंडेनबर्गचा प्रभाव पूर्णपणे संपलेला नाही. अदानी रोड ट्रान्सपोर्टने ३००० कोटींचा करार रद्द केल्याने याचा अंदाज लावला जाऊ शकतो.
गेल्या काही महिन्यांत अदानी समूहाच्या व्यवसायाच्या पद्धतीत मोठा बदल झाला आहे. यादरम्यान अदानी समूहाच्या कंपन्यांनी अनेक प्रस्तावित करार रद्द केले आहेत. आता यामध्ये आणखी एका कराराची भर पडली आहे. आता अदानी समूहाने मॅक्वेरीसोबतचा प्रस्तावित करार रद्द करण्याचा निर्णय घेतला आहे.
फक्त २४ तास अन् डाव उलटला! गौतम अदानींचा दिग्गजांना धोबीपछाड, श्रीमंतांच्या यादीत मोठा उलटफेर
करार ३१०० कोटींचा
अदानी ग्रुपची कंपनी अदानी रोड्स ट्रान्सपोर्ट लि. ने शेअर बाजारांना या नवीन घडामोडीची माहिती दिली आहे. अदानी रोड्स ट्रान्सपोर्ट लिमिटेड ऑस्ट्रेलियन गुंतवणूकदार मॅक्वेरी यांच्याकडून चार रस्त्यांची मालमत्ता खरेदी करणार होती. हा करार ३ हजार १०० कोटी रुपयांचा होता. मात्र, आता हा करार होणार नाही. अदानी समूहाच्या कंपनीने प्रस्तावित करारातून माघार घेण्याचा निर्णय घेतला आहे.
अदानींच्या शेअर्सचा धमाका! या गुंतवणूकदाराने १०० दिवसात कमावले ७६८३ कोटी रुपये, पाहा कोण आहे
गेल्या वर्षी करार झाला
अदानी रोड्स ट्रान्सपोर्ट लिमिटेडने ४ ऑगस्ट २०२२ रोजी स्वर्ण टोलवे प्रायव्हेट लिमिटेड मधील १००% आणि गुजरात रोड आणि इन्फ्रास्ट्रक्चर कंपनी लिमिटेड मधील ५६.८% हिस्सा घेण्यासाठी करार केला होता. या दोन कंपन्यांचे गुजरात आणि आंध्र प्रदेशमध्ये दोन टोल रोड प्रकल्प आहेत.
मोदींच्या भाषणावर राहुल गांधी म्हणाले, मोदी अदानींना संरक्षण द्यायचा प्रयत्न करतायंत
अदानी कंपनीने कारण दिले
अदानी रोड्स ट्रान्सपोर्ट लिमिटेडने शेअर बाजाराला कळवले की विक्रेत्याने म्हणजेच मॅक्वेरीने शेअर खरेदी करारानुसार निर्धारित वेळेत करार पूर्ण करण्याच्या अटी समाधानकारकपणे पूर्ण केल्या नाहीत, त्यामुळे अदानी समूहाने शेअर खरेदी करार संपुष्टात आणण्याचा निर्णय घेतला आहे. यानंतर कंपन्यांना नोटीसद्वारे माहिती देण्यात आली आहे.
यापूर्वीही करार लटकला
जानेवारी २०२३ नंतरचा हा पहिला करार नाही, ज्यातून अदानी समूहाने माघार घेण्याचा निर्णय घेतला आहे. याआधी फेब्रुवारी महिन्यात अदानी समूहाची आणखी एक कंपनी अदानी पॉवरने डीबी पॉवरकडून औष्णिक वीज मालमत्ता खरेदी करण्याचा करार संपुष्टात आला होता. यामुळे ७,०१७ कोटी रुपयांचा करार अपूर्ण राहिला. त्याच वेळी, समूहाने मुंद्रा पेट्रोकेमिकल प्रकल्पाची ३४,९०० कोटी रुपयांची प्रस्तावित कामेही थांबवली आहेत. खरे तर २४ जानेवारीला हिंडनबर्गचा अहवाल समोर आल्यानंतर अदानी समूहाने आपली व्यावसायिक रणनीती बदलली आहे. आता नवीन क्षेत्रात व्यवसाय वाढवण्याऐवजी कर्ज कमी करणे आणि गुंतवणूकदारांचा विश्वास जिंकणे यावर समूहाचे लक्ष आहे.गौतम अदानींना हिरवा कंदील का? जाणून घ्या सुप्रीम कोर्टाच्या तज्ज्ञ समितीने काय म्हटले..
अदानी ट्रान्समिशनच्या निव्वळ नफ्यात घसघशीत वाढ, आता बदलणार कंपनीची ओळख. # सत्यप्रभा न्यूज # नांदेड
