हजारो जन समुदायाच्या उपस्थितीत वाढदिवस कार्यक्रम संपन्न..
वाढदिवसानिमित्त भव्य रक्तदान शिबिर घेऊन आष्टीकरानी सामाजिक बांधिलकी जपली…
हिमायतनगर प्रतिनिधी | नागेश शिंदे | हदगाव हिमायतनगर तालुक्याचे माजी आमदार तथा उद्धव बाळासाहेब ठाकरे गटाचे शिवसेना जिल्हाप्रमुख नागेश पाटील आष्टीकर यांना मतदार संघातील जनता राजकारणातील एक वलयांची चेहरा व कणखर अभ्यासू व्यक्तिमत्व म्हणून ओळखते आज दिनांक 27 जुलै रोजी त्यांच्या वाढदिवसानिमित्त हदगाव येथील त्यांच्या राहत्या घरी हिंगोली लोकसभा मतदारसंघातील असंख्य कार्यकर्त्यांनी भर पाऊसात मोठी गर्दी करून येथील शिवसैनिकांनी आयोजित केलेल्या भव्य रक्तदान शिबिरात रक्तदान करून सहभाग घेतला या रक्तदान शिबिराला भर पावसामध्ये हजारोचा जनसमुदाय लोटला होता त्यामुळे आष्टीकर परिवारांनी वाढदिवसाच्या दिवशी सामाजिक बांधिलकी जपत सर्वात श्रेष्ठ दान समजल्या जाणाऱ्या रक्तदान शिबिराचा कार्यक्रम घेऊन समाजाला एक संदेश दिला यावेळी दैनिक एकमतच्या वाढदिवस विशेष पुरवणीचे विमोचन माजी आमदार तथा जिल्हाप्रमुख नागेश पाटील यांच्या हस्ते करण्यात आले त्यावेळी उपस्थित शिवसैनिकांनी त्यांच्यावर पुष्पवृष्टी करून त्यांना वाढदिवसाच्या शुभेच्छा दिल्या….
याबाबत सविस्तर वृत्त असे की, मतदार संघातील शिवसेनेचा राजकीय इतिहास पाहिला तर मतदार संघाच्या तुलनेत हदगाव हिमायतनगर विधानसभा मतदारसंघात शिवसेनेचे राजकीय ताकद माजी आमदार नागेश पाटील आष्टीकर यांच्यामुळे मोठी असल्याची पाहायला मिळते 2019 च्या पराभवानंतर खचून न जाता सतत मातोश्रीच्या संपर्कात असणारे आष्टीकर यांना नुकतेच उद्धव बाळासाहेब ठाकरे यांनी नांदेड जिल्हाप्रमुख पद देऊन त्यांचे राजकीय पुनर्वसन केले त्यानंतर हदगाव विधानसभा मतदारसंघ असो की हिंगोली लोकसभा मतदारसंघ या दोन्ही मतदार संघाच्या राजकीय घडामोडी बाबत नेहमी पक्षप्रमुखासोबत गाठीभेटी घेत मातोश्रीवर त्यांचे मोठे वलय निर्माण झाल्याचे बघायला मिळत आहे.
त्यामुळे हिंगोली लोकसभेचे भावी खासदार म्हणून त्यांना मतदारसंघात मोठी पसंती मिळत आहे अशाच दिलदार व्यक्तिमत्त्वाच्या नेत्याच्या वाढदिवसासाठी हदगाव हिमायतनगर सह हिंगोली मतदारसंघातील असंख्य कार्यकर्त्यांनी आज दिनांक 27 जुलै रोजी सकाळपासून भर पावसात हजारोच्या संख्येने उपस्थित राहून त्यांच्या राहत्या घरी मोठी गर्दी केली असल्याचे पाहायला मिळाले यावेळी हदगाव येथील शिवसैनिकांनी आष्टीकर साहेब यांच्या वाढदिवसानिमित्त भव्य रक्तदान शिबिर व हिंदू धर्मात सर्वात पवित्र समजल्या जाणाऱ्या अधिक मासातील धोंड्याच्या सणाचे औचित्य साधून हा अभिष्टचिंतक सोहळ्यासाठी येणाऱ्या सर्व राजकीय प्रमुख मान्यवरांना आष्टीकर परिवारांनी धोंड्याचे जेवण देऊन त्यांचे स्वागत केले.
यावेळी उपस्थित शिवसैनिकांनी त्यांच्यावर पुष्पवृष्टी करून त्यांना वाढदिवसाच्या शुभेच्छा दिल्या यावेळी माजी नगराध्यक्ष कुणाल राठोड,ज्येष्ठ शिवसैनिक विठ्ठल ठाकरे,सेवा सहकारी सोसायटीचे चेअरमन प्रवीण शिंदे,शिवसेना उप तालुका प्रमुख विलास वानखेडे, वडगाव चे सरपंच विशाल राठोड, तालुका संघटक संजय काईतवाड,सरपंच गणेश पाळजकर, राम नरवाडे,लक्ष्मण डांगे,राम गुंडेकर सरसमकर ,,युवा सेना तालुका प्रमुख योगेश पाटील पवार ,युवा सेना तालुका संघटक संतोष पुलेवार, श्रीराम माने पाटील,अजय देवसरकर,सह आदी शिवसैनिक मोठ्या संख्येने उपस्थित होते…
