हदगावच्या नवनिर्वाचित नगराध्यक्षा रोहिणी वानखेडे यांचा आज पदग्रहण सोहळा; राजकीय व सामाजिक क्षेत्रातील मान्यवरांची उपस्थिती

तुषार कांबळे! हदगाव प्रतिनिधी | हदगाव-हिमायतनगर विधानसभा मतदारसंघाचे लोकप्रिय आमदार बाबुरावजी कदम कोहळीकर यांच्या विशेष मार्गदर्शनाखाली, हदगाव नगरपरिषदेच्या लोकनियुक्त नगराध्यक्षा रोहिणी भास्कर वानखेडे यांचा पदग्रहण सोहळा आज, गुरुवार दि. ८ जानेवारी २०२६ रोजी सकाळी ११ वाजता मोठ्या उत्साहात संपन्न होत आहे.

नगरपरिषद प्रशासकीय इमारतीच्या प्रांगणात आयोजित या सोहळ्याला राजकीय, सामाजिक आणि धार्मिक क्षेत्रातील दिग्गजांची उपस्थिती लाभणार आहे. या कार्यक्रमाचे अध्यक्षस्थान आमदार बाबुरावजी कदम कोहळीकर भूषविणार असून, राज्याचे माजी मुख्यमंत्री अशोकराव चव्हाण, खासदार नागेश पाटील आष्टीकर, हेमंतभाऊ पाटील यांच्यासह अनेक वरिष्ठ नेत्यांची प्रमुख उपस्थिती राहणार आहे.

धार्मिक विधी आणि संतांचे आशीर्वाद या सोहळ्याला अध्यात्मिक अधिष्ठान लाभले असून, दतार्डी संस्थानचे महंत १०0८ श्री गोपालगीर महाराज, केदारनाथ देवस्थानचे श्री महंत श्री मृत्युंजय भारती महाराज, आणि महादेव संस्थानचे श्री श्री १००८ शिवचैतन्य शिवाचार्य महाराज यांच्या पावन उपस्थितीत हा पदभार स्वीकारला जाणार आहे.

विकासाच्या नव्या पर्वाची सुरुवात हदगाव शहराच्या सर्वांगीण विकासाचा संकल्प घेऊन रोहिणी वानखेडे या नगराध्यक्ष पदाची धुरा सांभाळणार आहेत. “शहरातील पाणीपुरवठा, रस्ते, शिक्षण आणि आरोग्य या मूलभूत सुविधांना प्राधान्य देऊन सर्वसामान्यांच्या प्रश्नांची सोडवणूक करणे, हेच आमचे मुख्य ध्येय असेल,” असा विश्वास यावेळी समर्थकांकडून व्यक्त करण्यात येत आहे.

या सोहळ्याला शिवसेना-भाजप युतीचे पदाधिकारी, नगरसेवक आणि हदगाव मतदारसंघातील नागरिक मोठ्या संख्येने उपस्थित राहणार आहेत. या पदग्रहण सोहळ्यामुळे हदगाव शहरात उत्साहाचे वातावरण असून, नव्या नेतृत्वाकडून शहराला विकासाची नवी दिशा मिळेल, अशी अपेक्षा नागरिक व्यक्त करत आहेत.

# सत्यप्रभा न्यूज नांदेड ##