नांदेड दि.२१: नांदेड वाघाळा शहर महानगरपालिकेच्या मुख्य कार्यालयात आयुक्तांच्या बैठक कक्षामध्ये दिनांक २१ जुन रोजी सांयकाळी ५.०० वाजता मनपा आयुक्त तथा प्रशासक डॉ. महेशकुमार डोईफोडे यांच्या हस्ते
सुरक्षा साहित्याचे वाटप करण्यात आले यामध्ये प्रामुख्याने पावसाळ्यात उपयोगी पडणारे रेनकोट, गमबुट,हॅडग्लोज,अप्रोन इत्यादी साहित्यांचा समावेश होता.
यावेळी शहर अभियंता दिलीप आरसुडे, सहाय्यक आयुक्त (स्वच्छता) मो. गुलाम सादेक, मुख्य स्वच्छता निरीक्षक वसीम तडवी, कार्यालय अधिक्षक पद्माकर कावळे व इतर स्वच्छता निरीक्षकांची प्रमुख उपस्थिती होती.
पावसाळ्यापूर्वी सफाई कामागारांच्या आरोग्याची काळजी घेऊन महापालिका प्रशासने सर्व सफाई कामगारांना सदरील सुरक्षा साहित्य पुरविण्याचा निर्णय घेतला असुन या कार्यक्रमावेळी एकुण २४ कर्मचाऱ्यांना प्रातिनिधिक स्वरुपात सुरक्षा साहित्याचे वाटप करण्यात आले असुन त्यामध्ये ०७ पुरुष तर १७ महिला कामगारांचा समावेश होता. तसेच सदरील सुरक्षा साहित्य वार्ड निहाय सर्व कामगारांना देण्यात येणार असल्याचे यावेळी आयुक्तांनी सांगितले.
यावेळी कामागरांना संबोधीत करतांना सुरक्षा साहित्यांचा वापर दैनंदिन कामकाजात नियमितपणे करुन आपल्या आरोग्याची काळजी घेण्याचे आवाहन यावेळी आयुक्तांनी केले. तसेच दिनांक २१.०६.२०२४ रोजी मनपा आयुक्त डॉ.महेशकुमार डोईफोडे यांचा वाढदिवस असल्याने याचे औचित्य साधुन प्रातिनिधीक स्वरुपात सफाई कामगारांना सुरक्षा सहित्य वाटपाचा कार्यक्रम घेण्यात आल्याचे यावेळी स्वच्छता विभागाचे सहाय्यक आयुक्त मो.गुलाम सादेक यांनी सांगितले.
#सत्यप्रभा न्युज #नांदेड
