अपक्ष उमेदवार शामसुंदर जाधव यांच्या प्रचाराची घरोघरी प्रचार भेटीने सांगता.

श्याम सुंदर जाधव यांच्या पाठीशी संपूर्ण ओबीसी समाज एकवटल्याचे चित्र.

नांदेड दि.१९:येथील नांदेड उत्तर विधानसभेचे अपक्ष उमेदवार शामसुंदर शंकरराव जाधव यांच्या प्रचाराची आज सायंकाळी रॅलीने सांगता करण्यात आली प्रचारादरम्यान नांदेड उत्तर मतदारसंघातील ओबीसी मतदारांचा चेहरा म्हणून श्री श्याम सुंदर जाधव यांनी आपली बाजू मतदारांसमोर विशद केली त्यास मतदारांनी उदंड प्रतिसाद देत ओबीसी मतदार हा जाधव यांच्या पाठीशी उभा असल्याचे आश्वासक चित्र मतदारसंघात निर्माण झाले आहे

उच्चविद्याभूशीत, शांत, संयमी, मनमिळावू व समाजभिमुख स्वभावाचे आणि सर्वसामान्यांचे प्रश्न सोडविण्यासाठी नेहमीच तत्पर असणारे श्री शामसुंदर जाधव हे आपल्या सुमाशंकर फर्निचर या व्यवसायाच्या माध्यमातून नांदेड उत्तर विधानसभेतील अनेक कुटुंबीयांची अगदी जवळचे व कौटुंबिक नाते सांभाळून वावरणारे व्यक्तिमत्व असून त्यांनी त्यांच्या कारकिर्दीमध्ये त्यांनी हजारो लोकांना विविध प्रकारे वेगवेगळ्या माध्यमातून मदत करत आपली वेगळी अशी समाजशील व्यक्तिमत्व म्हणून ओळख या भागात निर्माण केली आहे त्याचा त्यांना या विधानसभा निवडणुकीच्या प्रचारात मोठा लाभ झाल्याचे त्यांनी माध्यमांशी बोलताना सांगितले

त्यांच्या प्रभाग निहाय प्रचार रेलींना सर्व स्तरातील नागरिक व कार्यकर्त्यांचा जबरदस्त प्रतिसाद राहिला आहे आज प्रचाराच्या शेवटच्या दिवशी त्यांनी नांदेड उत्तर मतदारसंघातील पौर्णिमा नगर, चेतन्य नगर, समर्थ नगर, कॅनल रोड ,यासह दोन्ही तरोडा गावासह उर्वरित मतदार संघाचा धावता दौरा केला व दौऱ्या दरम्यान हजारो मतदारांच्या प्रत्यक्ष भेटी घेतल्या त्यांनी भेटीदरम्यान अनेक मतदार बांधवांना आपल्या उमेदवारीचा उद्देश समजून सांगितला त्यामुळे ओबीसी मतदारांनी त्यांच्या हाकेला सकारात्मक प्रतिसाद देत श्री जाधव यांच्या मागे आपली ताकद उभे करण्याचा शब्द दिला असल्याचे त्यांनी यावेळी सांगितले

दरम्यान त्यांची निवडणूक निशाणी सोफा ही आहे व सोफा या निशाणी सोबत त्यांचे मागील ३५ वर्षांपासूनचे नाते असल्यामुळे सोफा या निशाणीवर कार्यकर्त्यांचा ठाम विश्वास बसला असून त्यांना सोफा या निशाणीवर मतदान करून प्रचंड मतांनी विजय मिळवून देण्याचा चंग या भागातील ओबीसी कार्यकर्त्यांनी बांधला असल्याचे चित्र आहे

त्यांच्या प्रचार फेरीमध्ये शेकडो कार्यकर्ते मोठ्या उत्साहाने सहभागी होत आहेत यात कार्यकर्त्यांचा उत्साह शहरासह नांदेड उत्तर विधानसभा मतदारसंघातील ग्रामीण भागातही दिसून येत आहे
त्यांच्या पदयात्रेमध्ये ऍडव्होकेट प्रशांत , सूर्यकर विनोद वंजारे, धनराज पंडित, बालाजी गौळकर, देवकर बाबू भिंगे, मनोज कल्याणकर, राजू सावंत, संजय टेहरे, मनोहर पेरके, सत्यम केंद्रे यांच्यासह अनेक कार्यकर्ते अहोरात्र मेहनत घेत आहेत.

श्यामसुंदर जाधव यांचा प्रचाराचा जोरदार शेवट…!

श्री श्यामसुंदर जाधव यांनी आपल्या शेकडो कार्यकर्त्यांसह नांदेड उत्तर विधानसभा मतदारसंघातील अनेक भागात पदयात्रा काढून, वाहन फेरी काढून, काही ठिकाणी कोपरा सभा घेऊन तर काही भागात डोर टू डोअर भेटी देत प्रचारात रंगत भरत प्रचाराची यशस्वी सांगता केली आहे आणि त्यांना मतदार संघातून मतदारांचा भरघोस मिळालेल्या पाठिंब्याच्या बळावर ते प्रचंड मतांनी विजयी होतील असा आशावाद त्यांनी यावेळी व्यक्त केला आहे.

#सत्यप्रभा न्युज #नांदेड