Ambedkar Jayanti 2025 : भारतरत्न डॉ. बाबासाहेब आंबेडकर जयंती निमित्त उद्या (सोमवारी दि. १४) वाहतुकीत बदल करण्यात आले आहेत. भारतरत्न डॉ. बाबासाहेब आंबेडकर यांची १३४ वी जयंती साजरी करण्यात येणार असल्याने अनुयायी १३ एप्रिल पासून रोजी ते १४ एप्रिल रात्रीपर्यंत मोठया प्रमाणात चैत्यभूमी, दादर येथे दर्शनाकरिता जमणार आहेत. या पार्श्वभुमीवर चैत्यभूमी व आसपासच्या परिसरात दि.१३ आणि १४ एप्रिल या कालावधीत वाहतूक कोंडी होण्याची शक्यता असल्याने वाहतुक नियोजन करण्यात आले आहे.
चैत्यभुमी, शिवाजीपार्क, दादर परिसराकडे जाणाऱ्या खालील रस्त्यांवरील वाहतुकीचे नियमन व नियंत्रण करण्यात येणार आहे. गर्दी टाळण्यासाठी अनेक मार्गांवर प्रवेश बंद करुन एकेरी वाहतुकीचे नियोजन करण्याक आले आहे.
एक दिशा मार्ग व वाहतूकीसाठी बंद रस्ते
एस. के. बोले रोड हा सिध्दीविनायक मंदिर जंक्शनपासून पोर्तुगिज चर्च पर्यत एक दिशा मार्ग राहिल. म्हणजेच पोर्तुगिज चर्च येथून एस. के. बोले रोडवर सिध्दीविनायकच्या दिशेने प्रवेश बंद राहिल.
स्वातंत्रवीर सावरकर मार्ग हा सिध्दीविनायक मंदिर जंक्शनपासून येस बँक पर्यंत वाहतुकीकरिता बंद राहिल. तथापी स्थानिक रहिवाशांची वाहने शिवाजी पार्क रोड नं. ५ म्हणजे पांडूरंग नाईक मार्ग मार्गाने जाऊ शकतील.
रानडे रोड सर्व प्रकारच्या वाहतुकीकरिता बंद करण्यात येईल.
ज्ञानेश्वर मंदिर रोड, एस. व्ही. एस. रोड जंक्शन पासून दादर चौपाटीपर्यंत सर्व प्रकारच्या वाहतूकीकरिता बंद राहिल.
सर्व प्रकारची जड वाहने, माल वाहतुकीची वाहने माहिम जंक्शन येथून एल. जे. रोड मार्गे वळविण्यात येतील.
वाहतुकीची कोंडी झाल्यास पर्यायी मार्ग
दक्षिण वाहीनी पश्चिम द्रुतगतीने बांद्रामार्गे दक्षिणेकडे जाणाऱ्या वाहनांनी
कलानगर जंक्शनकडे येथून डावे वळण घेऊन धारावी टी जंक्शन ते केमकर चौक पुढे ६० फुट रोड, कुंभारवाडामार्गे सायन रुग्णालय येथे उजवे वळण घेऊ शकतात. अथवा बांद्रा-वरळी सागरी उड्डाणपुल मार्गे (सी लिंक) दक्षिण मुंबईकडे प्रस्थान करावे
उत्तर वाहीनी वरून कुलाबा तसेच सी.एस.एम.टी. मार्गे जाणाऱ्या वाहनांनी
उत्तर वाहीनी वरून महालक्ष्मी रेल्वे स्थानक जंक्शन कडून जाणाऱ्या वाहनांनी
पूर्व द्रुतगती महामार्गाने दक्षिण
मुंबईकडे जाणारी वाहतुक
पी. डीमेलो रोड, बॅरीस्टर नाथ पै रोड, जकेरीया बंदर रोड, आर. ए. के. मार्ग यांचा वापर करून माटुंगा येथील अरोरा ब्रिजखाली उजवे वळण घेवून पुढे सायन हॉस्पीटल जंक्शन मार्गे पुढे मार्गक्रमण करावे. अथवा बांद्रा-वरळी सागरी उड्डाणपूल मार्गे (सी लिंक) उत्तर मुंबईकडे प्रस्थान करावे
डॉ. ई. मोजेस रोड, रखांगी चौक येथे उजवीकडे वळण घेवून सेनापती बापट मार्गे पुढे मार्गक्रमण करावे
या वाहनांनी वडाळा ब्रिजचा वापर करुन बरकत अली नाका, बी. पी.टी. कॉलनी, पूर्व मुक्तमार्गाचा वापर करावा
रस्त्यांवर दोन्ही बाजूस नो-पार्किंग
अ स्वातंत्रवीर सावरकर मार्ग बाबसाहेब वरळीकर चौक (सेन्च्युरी जंक्शन) ते येस बैंक जंक्शन
संपूर्ण रानडे रोड
केळूस्कर रोड दक्षिण व उत्तर
ज्ञानेश्वर मंदिर रोड
वाहने पार्क करण्यास उपलब्ध असलेले रस्ते
संपूर्ण सेनापती बापट मार्ग, माहिम ते दादर
इंडिया बुल फायनांन्स सेंटर, एलफिन्स्टन, मुंबई (PPL)
कोहिनुर स्क्वेअर कंपाऊंड, शिवाजीपार्क, दादर (PPL)
कामगार मैदान, सेनापती बापट मार्ग
इंडिया बुलस् सेंटर, ज्युपीटर मिल कंपाऊंड, एलफिन्स्टन (PPL)
पाच गार्डन, आर. ए. के. रोड असे नियोजन करण्यात आले आहे
