पुणे : बीडचे निलंबित पोलीस अधिकारी रणजित कासले(Ranjit Kasale) हे आज संध्याकाळी पुण्यात दाखल झाले. कासले यांनी पुण्यात दाखल होताच त्यांनी प्रसारमाध्यमांना प्रतिक्रिया दिली. यावेळी त्यांनी पत्रकारांना वाल्मिक कराडच्या एन्काउंटरच्या प्रश्नावर आता उत्तर देणार नाही, असं स्पष्ट केलं. यावेळी रणजित कासले यांनी विधानसभा निवडणुकीत ईव्हीएममध्ये मोठा घोटाळा झाल्याचा दावा रणजित कासले यांनी केला. “मी आधी पोलिसांकडे आत्मसमर्पण करणार आहे. पुणे पोलीस किंवा बीड पोलिसांकडे स्वत:ला सरेंडर करणार आहे”, असं रणजित कासले यांनी सांगितलं.
“एन्काउंटरचा प्रश्न थोडे बाजूला ठेवा. कारण मला एन्काउंटरचे मला प्रश्न विचारले की पुरावे आहेत का? सरकार काही वेडे नाही की पुरावे असायला, मला एका पत्रकाराने विचारलं की, तुम्हाला एन्काउंटरचा आदेश दिला होता का? अरे एन्काउंटरचा कुणी आदेश देणार का? या बंद दाराआडच्या चर्चा आहेत”, असं रणजित कासले यांनी सांगितलं.
“बोगस एन्काउंटर काय असतं ते आधी समजावून सांगतो. केंद्राकडून सिग्नल आल्यानंतर मुख्यमंत्री, दोन्ही उपमुख्यमंत्री, गृहसचिव, सचिव यांच्यात गुप्त बैठक होते. जसं इक्षय शिंदेचं झालं. केंद्राकडून सिग्नल मिळाल्यानंतर केंद्रातून चार-पाच अधिकारी येतात. ते स्थानक पातळीवरचे चार-पाच अंमलदार निवडतात. त्यांच्यामार्फत बोगस एन्काउंटर केला जातो. तशीच ऑफर मला होती. कारण त्या ऑफरचे तुम्हाला पुरावे मिळणार नाहीत. कारण शासन किंवा आयपीएस-आयएएस लोकं खूप हुशार असतात. बंद दाराआड चर्चा होते”, असा दावा रणजित कासले याने केला.
“मला ऑफर अशी होती की, तुम्ही त्यांच्या पाठीमागे रिव्हॉलव्हर घेऊन 24 तास राहा. तुम्हाला कुठे चुकीची वाटलं तर कारवाई करा, अशी ऑफर होती. माझी 25 वर्षांची नोकरी अजून राहिली असेल तर तेवढ्या वर्षांत माझा जेवढा पगार होईल, समजा 15 कोटी तर तुम्हाला लमसम 50 कोटी मिळतील. तसेच पुन्हा चौकशी करतानादेखील आमचं सरकार राहील. त्यातून तुम्हाला आम्ही निर्दोष मुक्त करु अशी ऑफर असते”, असं रणजित कासलेने सांगितलं.
“तुम्हाला स्टेशन डायरी मिळेल. तुम्ही आधी माहिती अधिकारातून अर्ज करा. बीड पोलीस अधिक्षक यांना अर्ज करायचा. तुम्हाला स्टेशन डायरी मिळेल. कोण कुणाला भेटलं याची सविस्तर माहिती मिळेल. आयपीएस, आएएस अधिकारी हे बाहेरचे असतात. त्यामुळे त्यांची नावे लक्षात नाहीत. वाल्मिक कराडला (Walmik Karad)अटक केल्यानंतर 4 दिवसांतच हे अधिकारी आले होते. त्यांचे लोकेशन, नाव भेटतील. तुम्ही माहितीचा अर्ज करा. माझ्या घरात काल चार जण घुसले. माझ्या घरात घुरफोडी झाली. माझ्या घरात भरपूर पुरावे होते. माझ्या कपाटात खूप काही पेपर होते. मी बीडमध्ये राहतो. जीएसटी भवनच्या समोर माझं घर आहे. त्याठिकाणी पोलिसांनी माझ्या घराला सस्पेंडची नोटीस लावली. चार लोकांनी माझ्या घराचं लॉक तोडलं आणि घरात शिरले. त्यांनी दुसरं लॉक लावलं आहे. तिथे जीएसटी भवन आहे”, असं रणजित कासले म्हणाले.
अतिरिक्त पोलिस अधीक्षक सचिन पांडकर हे वाल्मिक कराडचे हस्तक आहेत. ते चार वर्षे एकाच ठिकाणी ठाण मांडून बसले आहेत असंही रणजीत कासले म्हणाले. ते म्हणाले की, “बीडमध्ये मी ज्या ठिकाणी राहतो त्या घराचे कुलुप तोडण्यात आलं आणि घरातील सर्व पुरावे शोधण्याचा प्रयत्न केला आहे. इलेक्शनच्या दिवशी किडनॅप करुन मला बार्शीला सोडण्यात आलं. करुणा मुंडेच्या गाडीत दोन दोन रिव्हॉल्वर ठेवली, तर माझ्या घरी चोरी का करू शकणार नाहीत.”
आता मला निलंबित करण्यात आलं आहे. त्यामुळे हे सगळं बोलतोय. या आधी बोललो असतो तर आधीच निलंबित झालो असतो आणि उपासमार झाली असती असं रणजीत कासले म्हणाले.
