तुषार कांबळे : हदगाव (प्रतिनिधी हदगाव)
हदगाव तालुक्यातील तामसा पाथरड शिवारात विहिरीत काम करताना क्रेन अंगावर पडून तरुण जागीच ठार झाल्याची घटना सोमवारी (ता. २१) घडली.या दुर्दैवी घटनेतील मयताचे नाव शुभम हनुमानसिंह चौव्हाण (वय २२) असे आहे.
शुभम गावातील एका शेतकऱ्याच्या शेतातील विहिरीतून गाळ काढत असताना त्याच्या अंगावर वरून क्रेन पडली. ज्यामध्ये तो जागीच ठार झाला. सदरील विहीर अंदाजे २५ फूट खोल असावी.
या दुर्घटने वेळी विहिरीत पाच ते सहा जण क्रेनद्वारे गाळ काढत होते. या घटनेनंतर पाथरड परिसरात खळबळ उडाली आहे. मयतावर उत्तरीय क्रिया तामसा प्राथमिक आरोग्य केंद्रात करण्यात आली. या दुर्घटनेचे नेमके कारण स्पष्ट नाही. याप्रकरणी तामसा पोलीस ठाण्यात अकस्मित मृत्यूची नोंद झाली आहे.
##सत्यप्रभा न्यूज नांदेड##
