तुषार कांबळे! हदगाव प्रतिनिधी!
हदगांव तालुक्यातील हरडफ येथे त्यागमूर्ती माता रमाई यांची जयंती मोठ्या उत्साहात साजरी करण्यात आली. या जयंतीनिमित्त धम्म कीर्ती महिला मंडळाच्या वतीने गेल्या दहा दिवसांपासून जय्यत तयारी करण्यात आली होती.सकाळी धम्म कीर्ती महिला मंडळाच्या वतीने माता रमाई यांच्या प्रतिमेस हार अर्पण करून कार्यक्रमाची सुरुवात करण्यात आली. त्यानंतर माता रमाई यांच्या जीवनावर आधारित गीतांवर लेझीम नृत्य सादर करण्यात आले. उत्कृष्ट लेझीम सादरीकरणामुळे संपूर्ण परिसर दुमदुमून गेला होता.तथागत भगवान गौतम बुद्ध, डॉ. बाबासाहेब आंबेडकर व माता रमाई यांच्या जीवनचरित्रावर आधारित छोटेखानी भाषणे, गाणी व नृत्य सादर करत लहान बालकांनी उपस्थितांची मने जिंकली.
“नांदन नांदन होतं रमाचं नांदण” हे गीत वारंवार सादर करण्यात आले. तसेच “रमाबाईचा जन्म झाला, वाटा साखर-पान” या गाण्यावर लेझीमचा ठेका धरून कार्यक्रमात रंगत आणली. संविधान वाठोरे व त्यांच्या संचाने “मी फक्त भीमाला मानतो” या गाण्यावर सादरीकरण केले. यामुळे संपूर्ण गावकऱ्यांनी या चिमुकल्या कलाकारांचे मनापासून कौतुक केले.उत्कृष्ट लेझीम नृत्य सादर करणाऱ्या महिलांना सुवर्णमाला वाठोरे व मंगल वाठोरे यांचे मार्गदर्शन लाभले. या कार्यक्रमात शिल्पा वाठोरे, सुनीता वाठोरे, प्रतीक्षा वायवळ, स्नेहा वाठोरे, मंगल आर. व्ही. वाठोरे, समीक्षा नरवाडे, उषा नरवाडे, पोर्णिमा नरवाडे, पूजा वाठोरे, सपना नरवाडे, स्वाती वाठोरे, आरुषी वाठोरे, दिव्या वाठोरे, शीतल वाठोरे, संजीवनी रणवीर आदींनी लेझीम नृत्य सादर करून त्यागमूर्ती माता रमाई यांची जयंती उत्साहात साजरी केली.
