नांदेड मुदखेड ता प्र दि.१५:मुदखेड नगर परिषदेची माजी नगराध्यक्ष नारायण कोत्तावार यांनी माजी मुख्यमंत्री तथा राज्यसभेचे खासदार अशोकराव चव्हाण यांच्या उपस्थितीत भारतीय जनता पक्षात प्रवेश केला असल्याचे स्पष्ट केले आणि मी अशोकराव चव्हाणां सोबत राहणार असे माजी नगराध्यक्ष नारायण कोत्तावार यांनी पत्रकार परिषदेत आपली भूमिका स्पष्ट केली…
माझे दोन्ही छोटे बंधु हे काँग्रेस मध्ये आहेत मी मात्र भाजपा मध्ये खासदार अशोकराव चव्हाण यांच्या सोबत आहे पुढेही राहणार असल्याचे नारायण कोत्तावार यांनी सांगितले..
हे पत्रकार परिषद घेण्याचं मुख्य कारण म्हणजे माझे छोटे भाऊ यांनी परवा पत्रकार परिषद घेऊन मी काँग्रेस मध्ये आहे असं सांगितलं त्या पत्रकार परिषदेचा खुलासा मी आज करत आहे.
नारायण कोत्तावार यांच्या राजकारणाची सुरुवात भाजपा पासुन झाली आहे मी भाजपचा १७ वर्ष नगरसेवक होतो मी अशोकराव चव्हाण यांच्यावर विश्वास ठेवून मी पुन्हा भाजपमध्ये घरवापसी केली आहे असे म्हणायला काही हरकत नाही.
माझ्या बंधुने माझ्याबदल पत्रकार परिषदेत जे सांगितले आहे ते सर्व काही खोटे आहे मी कोणाच्या सांगण्यावरून किंवा कोणाच्या भुलथापांना बळी पडलो नाही माझ्या स्वखुशीने मी भाजपमध्ये प्रवेश केला आहे
माझा मुलगा श्रीरंग कोत्तावार हा सुद्धा माझ्या सोबत आहे.
आणि श्रीरंग कोत्तावार यांनी सुध्दा स्पष्ट केले आहे की माझ्या वडिलांनी जो निर्णय घेतला आहे तो योग्य आहे मी त्यांच्या पाठीशी खंबीरपणे उभा आहे.
#सत्यप्रभा न्युज #नांदेड
