Pahalgam Terrorist Attack: जम्मू आणि काश्मीरमधील पहलगाम येथे अमरनाथ यात्रेच्या अगदी आधी मंगळवारी झालेल्या दहशतवादी हल्ल्यात किमान 26 जणांचा मृत्यू झाला आहे, तर अनेक जण जखमी झाल्याचे वृत्त आहे. सूत्रांनी दिलेल्या माहितीनुसार दहशतवाद्यांनी केलेल्या अंदाधुंद गोळीबारात किमान 26 जणांचा मृत्यू झाला, तर 5 जणांची प्रकृती चिंताजनक आहे.(Pahalgam Terrorist Attack) सर्वात धक्कादायक बाब म्हणजे दहशतवाद्यांनी पर्यटकांना त्यांची नावे विचारून लक्ष्य केल्याची माहिती समोर आली आहे. मिळालेल्या माहितीनुसार दहशतवादी संघटना टीआरएफने या हल्ल्याची जबाबदारी स्वीकारली आहे. (Pahalgam Terrorist Attack)
आतापर्यंत प्राप्त माहितीनुसार, महाराष्ट्रातील मुंबईतील डोंबिवलीमधील तीन पर्यटकाचा मृत्यू झाला असून दिलीप डिसले, अतुल मोने असं मृतांची नावं आहेत. तर जखमींमधील एक पनवेलचे तर उर्वरित 1 महाराष्ट्रातील कोणत्या भागातील याचा शोध घेण्यात येत आहे. जखमींची काश्मीर प्रशासनाने कळविलेली नावे ही माणिक पटेल पनवेल, एस. भालचंद्रराव अशी असून सुदैवाने दोघांचीही प्रकृती स्थिर आहे. पुण्याचे जिल्हाधिकारी जितेंद्र दुडी म्हणाले की, पहलगाव दहशतवादी हल्ल्यात जखमी झालेल्या कुटुंबाची माहिती अद्याप निश्चित झालेली नाही. ते सतत सरकारच्या(Pahalgam Terrorist Attack) संपर्कात आहेत आणि लवकरच तपशील जाहीर केला जाईल. प्राथमिक माहितीनुसार, कुटुंबातील 5 सदस्यांपैकी 2 जण गंभीर स्थितीत आहेत.
मिळालेल्या माहितीनुसार 10 दहशतवाद्यांनी अंदाधुंद गोळीबार केला. या 10 दहशतवाद्यांमध्ये 6 दहशतवादी हे स्थानिक होते तर 4 दहशतवादी हे परदेशी असल्याचं सांगण्यात येतं आहे. सुरक्षा यंत्रणांमधील सूत्रांनी दिलेल्या माहितीनुसार पहलगाममधील दहशतवादी हल्ला हा पाकिस्तानच्या सुनियोजित कटाचा भाग आहे, असं सांगण्यात येतं आहे. या कटात पाकिस्तानने लष्कर-ए-तैयबा आणि जैश-ए-मोहम्मद सारख्या बंदी घातलेल्या दहशतवादी संघटनांचा वापर केला आहे, जे आता छोटे हल्लेखोर गट तयार करत आहेत आणि निष्पाप लोकांना मारत आहेत, अशी माहिती सूत्रांनी दिली आहे. आजचा हल्ला अमरनाथ यात्रा सुरू होण्यापूर्वी यात्रेकरू आणि पर्यटकांमध्ये भीती पसरवण्यासाठी करण्यात आला आहे, असं सांगण्यात येत आहे. सोनमर्गमध्येही असाच हल्ला झाल्याची माहिती सूत्रांनी दिली आहे. आजच्या हल्ल्यानंतर, (Pahalgam Terrorist Attack)असे मानलं जातं की टीआरएफ (द रेझिस्टन्स फ्रंट) चे “फाल्कन स्क्वॉड” येत्या काळात काश्मीरमध्ये एक मोठे आव्हान बनण्याची शक्यता आहे.
या गटाला लक्ष्य हत्या आणि नंतर जंगलात किंवा उंच ठिकाणी लपून बसणे याबद्दल चांगले माहिती आहे. सूत्रांनी दिलेल्या माहितीनुसार(Pahalgam Terrorist Attack) की फाल्कन स्क्वॉडला अलीकडेच मोठ्या प्रमाणात प्रगत शस्त्रास्त्रे मिळाली आहेत, जी आता हल्ल्यांमध्ये वापरली जात आहेत. गुप्तचर अहवालांनुसार, फाल्कन स्क्वॉड सोशल मीडियाद्वारे आपले नवीन सदस्य जोडत आहे. हा गट ‘हिट अँड रन’ या धोरणावर काम करतो आणि OGW (ओव्हर ग्राउंड वर्कर्स) च्या सहकार्याने ऑपरेशन्स करतो. टीआरएफ ही प्रत्यक्षात लष्कर-ए-तैयबाची एक आघाडी आहे आणि फाल्कन स्क्वॉड त्याचा एक भाग आहे.(Pahalgam Terrorist Attack) लष्कराचे वरिष्ठ नेते आता थेट अशा हल्ल्यांचे आदेश देत आहेत. या प्रकरणाचा तपास एनआयए घेणार आहे. दिल्लीतील वरिष्ठ अधिकाऱ्यांनी नुकतेच सोनमर्गला भेट दिली होती आणि ते बुधवारी पहलगामलाही पोहोचतील.
जम्मू-काश्मिरमध्ये पर्यटकांवर दहशतवाद्यांनी हल्ला केला. (Pahalgam Terrorist Attack) यात 25 जणांचा मृत्यू झाल्याची भीती व्यक्त केली जात आहे. त्यानंतर आता अनंतनाग पोलिसांनी हेल्पलाईन नंबर जारी केला आहे. 9596777669, 01932225870, 9419051940 या क्रमांकावर संपर्क करू शकता.
