छत्रपती संभाजीनगर प्रतिनिधी ! विजय पाटील !
दि : २३/०१/२०२४
सोलापूर- धुळे रोडने चितेपिंपळगाव कडून येणार्या किया सेल्टॉस कारमध्ये गुटखा येत असल्याची माहिती मिळताच पोलिसांनी निपाणी फाटा येथे सापळा लावला.
पोलिसांनी थांबण्याचा इशारा करताच सदर कार चालकाने न थांबवता कार तशीच सुसाट पळवायला सुरुवात केली. पोलिसांनीही कारचा पाठलाग सुरु
केला. पोलिसांनी अत्यंत सावधगिरीने गांधेली फाटाजवळ वेग कमी होताच गाडी आडवी लावून कारला शिताफिने थांबवले. या कारमध्ये 36 गोण्यामध्ये भरलेला गुटखा मिळून आला. पोलिसांनी एकूण 13,68,550-00 रुपये किंमतीचा मुद्देमाल जप्त केला.
पोलिसांचे विशेष पथक हे जिल्हयातील अवैध धंद्यावरती कारवाई करण्याच्या अनुषंगाने दिनांक 22/01/2024 रोजी जिल्हयात गस्तीवर होते. विशेष पथक प्रमुख यांना गोपनीय माहिती मिळाली की, सोलापूर- धुळे रोडने चितेपिंपळगाव कडून एक किया कंपनीची सेलटॉस चारचाकी (वाहन क्रमांक एम एच -20-एफपी-7277)
मध्ये एक जण अवैध रित्या गुटखा व तत्सम पदार्थ घेवून छत्रपती संभाजीनगरच्या दिशेने येत आहे अशी गोपनीय माहिती मिळाली होती. यावरुन पथकाने सोलापूरकडून छत्रपती संभाजीनगरच्या दिशेने जाणारे निपाणी फाटा येथे रोडवर सापळा लावला.
यानंतर माहिती मिळालेल्या वर्णनाची चारचाकी कार भरधाव
यताना पथकाला दिसली. पथकने सदर वाहन चालकास थांबवण्याचा इशारा केला असता त्याने पोलिसांना पाहून कार न थांबवता भरधाव सुसाट पळवले. यावरून पोलिसांचा संशय अधिक बळावल्याने पथकांने त्याचा पाठलाग सुरू केला. वाहनचालकाला वारंवार पोलिस थांबण्याचा इशार करत होते परंतु तो पोलिसांच्या वाहनाला हुलकावणी
देवून वाहन न थांबवता सुसाट कार
पळवत होता. पोलिसांनी अत्यंत सावधगिरीने त्याला गांधेली फाटाजवळ त्याचा वेग कमी होताच त्याला गाडी आडवी लावून शिताफिने थांबवले.
कार थांबवताच पथकांने वाहन चालकास ताब्यात घेवून विचारपूस सुरु केली. त्याने त्याचे नाव अमोल बिबीशन काळे (वय 34 वर्ष रा. गट नंबर 168 प्लॉट नंबर 47 तिसगाव सिडको महानगर-1 छत्रपती संभाजीनगर) असे सांगितले. कारबाबत त्याला विचारपूस करता तो पोलिसांना उडवा-उडवीचे उत्तरे देवू लागला. यामुळे त्याच्यावर अधिक संशय बळावल्याने तो
चालवत असलेली किया सेलटॉस कार (एच-20-एफपी-7277) ची झडती घेतली असता त्यामध्ये गाडीतील आतील संपूर्ण सिट काढून त्यामध्ये पांढ-या गोण्यामध्ये महाराष्ट्र शासनाने प्रतिबंधीत केलेला गुटखा 36 गोण्यामध्ये भरलेला मिळून आला.
1) 1,22,850-00 रुपये- एकूण 18 पांढऱ्या रंगाच्या गोण्या, प्रत्येक
गोणीमध्ये 105 पुडे, असे एकूण 1890 पुडे, त्यावर रॉयल 717 तंबाखु असे लिहिलेल आहे.
2) 2,45,700-00 रुपये एकूण 18 पांढऱ्या- तपकिरी रंगाच्या गोण्या, प्रत्येक गोणीमध्ये 105 पुडे, असे एकूण 1890 पुडे, त्यावर हिरा पान मसाला असे लिहिलेले आहेत.
3) 10,00,000-00 एक पांढऱ्या
रंगाची चारचाकी कार किया कंपनीची सेलटॉस जिचा पासींग क्रमांक एमएच-20-एफपी-7277 असा दिसून आला. असा एकूण 13,68,550-00 रुपये किंमतीचा मुद्देमाल जप्त करण्यात आला आहे.
यातील आरोपी अमोल बिबीशन काळे (वय 34 वर्ष रा. गट नंबर 168 प्लॉट नंबर 47 तिसगाव सिडको महानगर-1 छत्रपती संभाजीनगर)
विरुध्द पोलिस ठाणे चिकलठाणा येथे भादंवी कलम
328,188,272,273 सह कलम 59 अन्न सुरक्षा मानके कायदा 2006 अन्वये गुन्हा दाखल करण्यात येवून त्यास अटक करण्यात आली आहे. पुढील तपास चिकलठाणा पोलीस करित आहेत. ही कारवाई पोलिस अधीक्षक मनिष कलवानिया यांच्या विशेष पथकाने केली आहे.
सत्यप्रभा न्यूज
