Daniel Radcliffe : हॅरी पॉटरची लोकप्रिय भूमिका करणार आणि कोट्यवधींची मालमत्ता दान देणारा अभिनेता डॅनियल रॅडक्लिफने एक धक्कादायक खुलासा केला आहे. तो एका न्यूरोलॉजिकल आजाराने ग्रस्त आहे असा खुलासा त्याने केला आहे. डॅनियल रॅडक्लिफ ज्या आजाराने ग्रस्त आहे त्याचे नाव डिस्प्रॅक्सिया आणि या आजारामुळे त्याला दैनंदिन जीवनात अडचणी येत आहे.
डिस्प्रॅक्सियाला डीसीडी असेही म्हणतात. या आजारात आजार ग्रस्त लोकांना सामान्या लोकांपेक्षा त्यांच्या शरीरावर योग्यरित्या नियंत्रण ठेवण्यात अडचण येते. या आजारात लोकांना कपडे घालण्यात, कपड्यांना बटणे लावण्यात किंवा बुटांचे लेस बांधण्यात अडचण येऊ शकते.
डॅनियलने त्याच्या एका मुलाखतीत सांगितले की त्याला बालपणात अभ्यास आणि इतर शालेय क्रियाकलापांमध्ये अडचणी येत होत्या. डॅनियल म्हणाला की त्याला असे वाटत होते की तो प्रत्येक गोष्टीत वाईट आहे आणि त्याच्याकडे कोणतीही विशेष प्रतिभा नाही. डॅनियल म्हणाला की यामुळे त्याच्यात आत्मविश्वासाचा अभाव होता.
