हिमायतनगर प्रतिनिधी/- महाराष्ट्रात सर्वत्र निवडणुकीची रणधुमाळी सुरू झाली आहे त्यामुळे नुकतेच विधान परिषदेचे आमदार म्हणून शपथ घेतलेले हेमंतभाऊ पाटील यांनी नांदेड जिल्ह्यातील शिवसेनेला आलेली मरगळ झटकून त्यांनी कार्यकर्त्याचे संघटन वाढविण्यासाठी हदगाव हिमायतनगर विधानसभे मध्ये युवा सेनेचा कार्यकर्ता संवाद मेळावा दिनांक 19 ऑक्टोबर रोजी हिमायतनगर शहरातील साईबाबा मंदिर येथे आमदार हेमंत भाऊ पाटील यांच्या प्रमुख उपस्थितीत युवा संवाद मेळावा आयोजित करण्यात आला होता यावेळी बोलताना हेमंत पाटील यांनी असे सांगितले की हदगाव हिमायतनगर विधानसभेवर शिवसेनेचाच भगवा फडकणार उमेदवार कुठलाही असेला तरी कार्यकर्त्यांनी त्याला विजयी करण्यासाठी आपल्या जीवाची पराकाष्टा करून महाराष्ट्राचे मुख्यमंत्री एकनाथ शिंदे यांचे हात बळकट करण्यासाठी हदगाव विधानसभेवर शिवसेनेचाच भगवा फडकवा असे सांगितले..
याबाबत सविस्तर वृत्त असे की हिंगोली लोकसभेचे माजी खासदार, शिवसेना उपनेते तथा नव निर्वाचित विधान परिषद सदस्य ना. हेमंतभाऊ पाटील हे विधान परिषदेचे आमदार झाल्यानंतर प्रथमच त्याचे हिमायतनगर नगरीत भव्य स्वागत करण्यात आले व शहरातील साईबाबा मंदिर येथे दिनांक 19 ऑक्टोबर रोजी दुपारी 2 वाजता युवा सेना संवाद मेळाव्याचे आयोजन करण्यात आले होते त्याला प्रमुख मार्गदर्शक म्हणून माननीय नामदार श्री हेमंत पाटील यांनी उपस्थिती लावली होती तर ह्या कार्यक्रमाला प्रमुख पाहुणे म्हणून शिवसेना जिल्हाप्रमुख बाबुरावजी कदम कोहळीकर व युवा सेना जिल्हाप्रमुख संदेश पाटील हडसनीकर , महिला आघाडीच्या जिल्हाप्रमुख शितलताई भांगे, हदगाव तालुका प्रमुख विवेक देशमुख हे उपस्थित होते यावेळी उपस्थित कार्यकर्त्यांना मार्गदर्शन करताना आमदार हेमंत पाटील यांनी असे सांगितले की हदगाव हिमायतनगर विधानसभेवर शिवसेनेचाच भगवा फडकणार आहे व महाराष्ट्राचे मुख्यमंत्री एकनाथ शिंदे यांची हात बळकट करण्यासाठी येणाऱ्या विधानसभेच्या निवडणुकीमध्ये पायाला भिंगरी लावून कार्यकर्त्यांनी पक्ष संघटन मजबूत करत आपल्या हदगाव हिमायतनगर विधानसभेवर शिवसेनेचाच भगवा फडकविण्यासाठी काम करा पक्षातील अंतर्गत गट तट व मतभेद बाजूला सारून आगामी विधानसभेमध्ये कार्यकर्त्यांची मोठी फळी निर्माण करून कार्यकर्त्यांनी कामाला लागावे असे या युवा सेना संवाद मेळाव्या प्रसंगी मार्गदर्शन करताना पाटील यांनी सांगितले.
यावेळी माजी जिल्हा परिषद सदस्य संभाजीराव लांडगे मामा, वळसे पाटील हिमायतनगर शिवसेना तालुकाप्रमुख रामभाऊ ठाकरे,राजेश जाधव, सत्यवृत्त ढोले ,प्रकाश जाधव, डॉ. दीपक नाईक, प्रा. कैलाश राठोड, शहर प्रमुख गजानन हारडपकर, युवा सेना उपजिल्हाप्रमुख गौरव पाटील, ज्ञानेश्वर माने , युवा कार्यकर्ते रवी जाधव युवा सेना तालुकाप्रमुख ज्ञानेश्वर पुठ्ठेवाड, युवा सेना शहर प्रमुख प्रदीप जाधव,सुनील चव्हाण, सह शिवसेना व युवा सेनेचे सर्व पदाधिकारी कार्यकर्ते व पत्रकार मोठ्या संख्येने उपस्थित होते….
