भरधाव कारने दुचाकीस्वार दोन मित्रांना चिरडले, एकाचा मृत्‍यू, दुसरा गंभीर जखमी, खुलताबाद रोडवरील घटना

विजय पाटील
छत्रपती संभाजी नगर दि.२५:  : भरधाव कारने दुचाकीला धडक दिल्याने एकाचा मृत्‍यू, तर दुसरा गंभीर जखमी झाला. ही दुर्घटना खुलताबाद – छत्रपती संभाजीनगर मार्गावरील हॉटेल सुखसागरसमोर शनिवारी (२६ ऑक्‍टोबर) मध्यरात्री १२ वाजता घडली.
दिनेश गणेश मुत्रट (वय २१, रा. बरकतपूर, ता. कन्नड) असे मृत्‍यू झालेल्याचे नाव आहे. अरुण मधुकर कोळपे (रा. शिऊर बंगला, ता. वैजापूर, ह. मु. छत्रपती संभाजीनगर) हा गंभीर जखमी झाला आहे. छत्रपती संभाजीनगर येथील एका खासगी कंपनीत दिनेश सोलार फिटिंगचे काम करत होता. दिनेशसह अन्य तीन मित्र दोन दुचाकींवरून भद्रा मारुतीच्या दर्शनाला गेले होते. छत्रपती संभाजीनगरकडे परतत असताना हॉटेल सुखसागरसमोर भरधाव कारने (क्र. एमएच २०- ईआर ३०३०) दिनेशच्या दुचाकीला धडक दिली. यात दिनेशचा जागीच मृत्यू झाला. अरुण गंभीर जखमी झाला. दिनेशच्या पश्चात आई, वडील, बहीण, असा परिवार आहे.
#सत्यप्रभा न्यूज # छत्रपती संभाजी नगर