हिमायतनगर प्रतिनिधी नागेश शिंदे/-शिक्षक हा समाजातील महत्वाचा घटक आहे. विद्यार्थ्यांवर घरानंतर सर्वाधिक संस्कार शाळेत होतात असे प्रा. शिवकुमार शिवराज भूरे यांच्या सारखे शिक्षण क्षेत्रात समर्पितभावनेने काम करणारे शिक्षक असल्यामुळेच हिमायतनगर परिसरातून अनेक विद्यार्थी घडले आणि त्यांच्या हातून राष्ट्र निर्मिती घडत आहे अशा आदरणीय शिक्षकांचे योगदान आजच्या तरुण पिढीला खूप महत्वाचे असते असे प्रतिपादन आ. माधवराव पाटील जवळगावकर यांनी यावेळी केले.
शहरातील हुतात्मा जयवंतराव पाटील उच्च माध्यमिक विद्यालयातील अर्थशास्त्राचे प्राध्यापक शिवकुमार शिवराज भूरे यांचा सेवानिवृत्तीनिमित्त कार्यगौरव सोहळा शहरातील रुख्मिणी नगर परिसरात आयोजित केला होता. यावेळी ते प्रमुख मार्गदर्शक म्हणून बोलत होते. कार्यक्रमाच्या अध्यक्षस्थानी राज्याचे माजी शिक्षण संचालक डॉ. गोविंद नांदेडे हे होते तर व्यासपिठावर जिल्हा परिषदेचे सेवानिवृत्त अतिरिक्त मुख्य कार्यकारी अधिकारी शिवाजी कपाळे, काँग्रेस पक्षाचे प्रवक्ते संतोष पांडागळे, शिराढोण ग्रामपंचायतचे सरपंच खुशाल पांडागळे, सेवानिवृत्त बँक अधिकारी सुदर्शन सुदर्शन पांडागळे, कर्तव्यदक्ष गटशिक्षणाधिकारी कंधार बालाजी शिंदे, विकास पाटील देवसरकर, माजी उपसरपंच साईनाथ कपाळे, काँग्रेसचे तालुकाध्यक्ष गजानन सूर्यवंशी, रुक्मिणीनगरचे अध्यक्ष दिलीप पाटील लोहरेकर, भारतीय जनता पार्टीचे तालुका अध्यक्ष गजानन चायल,माजी नगरसेवक ज्ञानेश्वर शिंदे , लक्ष्मण डांगे सह आदींची व्यासपिठावर उपस्थिती होती.
आ. जवळगावकर यांनी त्यांच्या भाषणातून प्रा. शिवकुमार भूरे यांच्या शैक्षणिक कार्याचा थोडक्यात आढावा घेतला. डॉ. गोविंद नांदेडे यांनी अध्यक्षीय समारोपातून प्रा.शिवकुमार भूरे यांच्या सृजनशिल व्यक्तिमत्वाचा आढावा घेतला. यावेळी शिवाजी कपाळे, संतोष पांडागळे, खुशाल पांडागळे, सुदर्शन पांडागळे, बालाजी शिंदे, पाध्ये मॅडम यांची समयोचित भाषणे झाली. याप्रसंगी प्राध्यापक शिवकुमार भुरे सर यांचे आजी माजी विद्यार्थी त्यांच्या सेवानिवृत्तीच्या कार्यक्रम प्रसंगी श्रद्धेने उपस्थित होते त्याच बरोबर हुतात्मा जयवंतराव पाटील परिवारातील प्राध्यापक शिक्षक शिक्षकेतर कर्मचारी सुद्धा मोठ्या संख्येने उपस्थित होते.तसेच हिमायतनगर चे सामाजिक कार्यकर्ते शांतीलाल सेठ यांच्यासह या कार्यक्रमास वेगवेगळ्या विविध क्षेत्रातील मान्यवरांची उपस्थिती होती. तसेच सेवा जेष्ठ शिक्षक श्रीमान अक्कलवाड सर, कंठाले सर बराडे सर डॉ. गणेश कदम गणेशराव शिंदे पत्रकार अशोक अनगुलावार, प्रकाश जैन परमेश्वर गोपतवाड,नागेश शिंदे यांचीही प्रमुख उपस्थिती होती. यावेळी प्रा. शिवकुमार भूरे यांचा विविध सामाजिक, शैक्षणिक संस्थांच्यावतीने सत्कार करण्यात आला. हा सोहळा देखणा करण्यासाठी व्यासपीठावर सुंदर सूत्रसंचालन करणारे प्रा.कांगणे सर यांच्यासह रुक्मिणीनगर मधील सर्वांनी अनमोल असे सहकार्य केले.
