भाजपा बूथ कार्यकर्ता मेळावा उत्साहात संपन्न
नांदेड दि.२७: गत दहा वर्षात मोदी सरकारने जागतिक पातळीवर देशाचे वेगळे स्थान निर्माण केले आहे.कलम ३७० ते राम मंदिर निर्माण सारखी ऐतिहासिक कामे झाली. शेतकरी, महिला, गरिब, कष्टकरी यांच्यासाठी अनेक योजना राबविल्या जात आहेत. ही मोदींनीची गॅरंटी आहे. लोकसभा निवडणुक तोंडावर आहे, त्यामुळे मोदी सरकारच्या गत दहा वर्षातील विविध कामांची माहिती जनते पर्यत पोहचवा हिंदूस्थानाची दशा व दिशा बदलण्यासाठी पुन्हा नरेंद्र मोदी यांनाच पंतप्रधान करा असे आवाहन भाजपा बूथ कार्यकर्त्यांना मध्यप्रदेशचे उपमुख्यमंत्री जगदीश देवडा यांनी केले आहे.
भारतीय जनता पक्षाचे बूथ कार्यकर्ता प्रशिक्षण संमेलन विष्णूपुरी येथील सहयोग कॅम्पस येथे मंगळवार (ता.२७) रोजी आयोजित करण्यात आले होते. यावेळी प्रमुख मार्गदर्शक म्हणून मध्यप्रदेशचे उपमुख्यमंत्री जगदीश देवडा हे बोलत होते. यावेळी माजी मुख्यमंत्री खा. अशोक चव्हाण, खा. प्रतापराव पाटील चिखलीकर, खा. डॉ. अजित गोपछडे, भाजपा विभागीय संघटन मंत्री संजय कोडगे,माजी आ. अमरनाथ राजूरकर, माजी आ. डॉ. माधवराव पाटील किन्हाळकर, गजानन घुगे, प्रदेश सचिव देवीदास राठोड, जिल्हाध्यक्ष डॉ. संतूकराव हंबर्डे, अँड. किशोर देशमुख, महानगराध्यक्ष दिलीप कंदकुर्ते, माजी आमदार सुभाषराव साबणे, चैतन्यबापू देशमुख, व्यंकटराव पाटील गोरेगावकर ,प्रवीण साले प्रणिताताई देवरे चिखलीकर, प्रविण पाटील चिखलीकर, सरचिटणीस लक्ष्मणराव ठक्करवाड, माणिकराव लोहगावे, महिला मोर्चाचे अध्यक्ष पूनम ताई पवार,आदीजन उपस्थित होते. पुढे बोलताना उपमुख्यमंत्री जगदीश देवडा म्हणाले की, पुन्हा एकदा देशात मोदी लाट निर्माण झाली आहे. अब की बार चारशो पार हा नारा मोदींनी दिला आहे. या यशाकरिता बूथ कार्यकर्ता, शक्तीकेंद्र प्रमुख, यांची भूमिका महत्त्वाची असणार आहे, कलम ३७०, राम मंदिर निर्माण, यासह मोफत कोरोना लसीकरण, आयुष्मान भारत आरोग्य योजना, किसान सन्मान योजना, मोफत धान्य योजनता, पंतप्रधान आवास योजना अशा अनेक कल्याणकारी कामे मोदी सरकारने केली. मात्र ही माहिती जनसामान्यांना सांगण्याचे काम बूथ कार्यकर्त्यांनी करावे असे आवाहन देवडा यांनी केले. यावेळी खा. अशोक चव्हाण, खा. प्रतापराव पाटील चिखलीकर, डॉ. संतूकराव हंबर्डे, दिलीप कंदकुर्ते यांच्यासह इतरांनी देखील मार्गदर्शन केले. यावेळी नांदेड लोकसभा अंतर्गत नांदेड दक्षिण विधानसभा, नांदेड उत्तर विधानसभा, देगलूर बिलोली विधानसभा, नायगाव विधानसभा, मुखेड विधानसभा, भोकर विधानसभा क्षेत्रातील बूथ प्रमुख, बूथ कार्यकर्ते, शक्तीकेंद्र प्रमुख आदीसह भाजपा कार्यकर्ते मोठ्या संख्येने उपस्थित होते. संमेलनाचे प्रस्तावित जिल्हाध्यक्ष डॉ. संतूकराव हंबर्डे यांनी केले. सूत्रसंचालन सरचिटणीस माधव पाटील उचेकर यांनी केले
गावपातळीवर कार्यकर्त्यांमध्ये एकोपा निर्माण करु – खा. अशोक चव्हाण
माझ्या भाजपा प्रवेशानंतर जिल्हाभरातून अनेकांनी भाजप प्रवेश केला आहे. त्यामुळे प्रत्येक गावपातळीवर जूने नवे भाजप कार्यकर्ते आता भाजपा मध्ये झाले असले तरी यांच्यात एकोपा निर्माण करून देऊ, एकत्र लढू आणि भाजपा विजयी करु, मी भाजपात प्रवेश केल्यानंतर अवघ्या चोवीस तासात मला राज्यसभेवर खासदार होण्याची संधी मोदींनी दिली याबाबत मी ऋण व्यक्त करतो असेही यावेळी खा. अशोक चव्हाण म्हणाले.
सामान्य कार्यकर्त्यांना भाजपात न्याय – खा. प्रतापराव चिखलीकर
गत दहा वर्षांत मोदी सरकार मध्ये जागतिक पातळीवरील व गरिब कल्याणकारी योजनेच्या पातळीवरील अनेक कामे झाली. आता लोकसभा निवडणुकी दरम्यान भाजपाला भरघोस मताधिक्य देण्यासाठी बूथ कार्यकर्त्यांनी कामाला लागावे. आपण केलेल्या कामाची नोंद घेवून सामान्य कार्यकर्त्याला न्याय भाजपातच दिला जाते असे खा. प्रतापराव पाटील चिखलीकर म्हणाले
ज्या बुथवर मतदान जास्त त्या कार्यकर्त्यांना संधी -हंबर्डे
सर्वाधिक बुथ प्रमुखांनी बुथवर मतदान करून घ्यावे
त्याच बूथप्रमुखांची भारतीय जनता पार्टी त्या कार्यकर्त्याला पक्ष न्याय देईल त्यामुळे येणाऱ्या निवडणुकीसाठी बूथप्रमुखांनी कामाला लागावे असे आवाहन भारतीय जनता पार्टीचे नांदेड दक्षिण ग्रामीणचे जिल्हाध्यक्ष संतुकराव हंबर्डे यांनी केले आहे
#सत्यप्रभा न्युज #नांदेड
