अकोला : पंतप्रधान नरेंद्र मोदी यांच्या ९ वर्षांच्या सेवा लोककल्याण सुशासन, महाजनसंपर्क अभियानांतर्गत राज्याचे उपमुख्यमंत्री देवेंद्र फडणवीस, भाजप प्रदेशाध्यक्ष आमदार चंद्रशेखर बावनकुळे आणि अभियान प्रमुख आमदार प्रवीण दरेकर यांची काल अकोल्यात जाहीर सभा झाली. या सभेच्या अनुषंगानं अकोला जिल्ह्यातील भाजपनं २५ वर्ष वर्षापासून काय काम केलं? हे सांगावं, असं सवाल आमदार मिटकरी यांनी उपस्थित केला होता, हाच सवाल माध्यमांनी प्रवीण दरेकरांना विचारला असता मिटकरींबद्दल बोलतांना त्यांची जीभ घसरली, दोनशे रुपयांनं रोजंदारीवर असलेला व्यक्ती.. याची औकात काय, भाड़** हे अशाच पद्धतीने बोलणार, त्याकडे लक्ष देण्याची गरज नाहीये, असं दरेकर बोलले. दरम्यान हाच सवाल फडणीसांना विचारला असता त्यांनी असे अपशब्द वापरले नसते, अशी प्रतिक्रिया मिटकरींनी व्यक्त केली.
९ वर्षातील काम न सांगता २५ वर्षात झालेले २५ विकास काम सांगा. म्हणजेच या सभेतून अकोलेकरांसमोर सांगावे, असं राष्ट्रवादीचे आमदार अमोल मिटकरी म्हणाले होते. जर आपण विकास कामे भाषणातून सिद्ध करून दाखवली तर अख्ख आयुष्य भाजपची गुलाम गिरी करणार, असेही मिटकरी म्हणाले होते. तसेच सभेच्या गर्दीवरही आमदार मिटकरींनी गंभीर आरोप केला होता. सभेत गर्दी जमवण्यासाठी भाजपने तीनशे रुपये रोजाने लोक जमा केले असल्याचे मिटकरी म्हणाले होते. या संदर्भात भाजपचे विधानपरिषदेचे गटनेते प्रवीण दरेकर यांना सवाल केला असता, मिटकरीं संदर्भात बोलताना त्यांची जीभ घसरली. २०० रूपयांच्या माणसानं तीनशे रुपयांच्या विषयी बोलणं, ज़रा अवघड आहे. विशेष म्हणजे कोण हा अमोल मिटकरी याच्यावर एवढं बोलण्याची आवश्यकता नाही. आता ज्यांना सवय भाड्याने आणायची आहे, ते भाड अशाच पद्धतीने बोलणार. इतकेच नव्हे तर मिटकरी बद्दल बोलतांना दरेकरांच्या तोंडातून अपशब्दही निघाले. आज मिटकरी फडणवीसांवर बोलतात त्यांची औकात नाही तेवढी, त्या उंचीचे ते झालेले नाहीत, देवेंद्र फडणवीसांवर बोलतील, असेही दरेकर बोलले होते. फडणवीसांना सवाल केला असता तर त्यांनी अपशब्द वापरले नसते : मिटकरी
प्रवीण दरेकर यांच्या व्यक्तव्यानंतर आमदार अमोल मिटकरी यांनी प्रत्युत्तर दिलं. हाच सवाल फडणवीसांना केला असता तर नक्कीच त्यांनी अपशब्द वापरले नसते, कारण दरेकरांवर तसे संस्कार असतील म्हणून ते खालच्या पातळीवर बोलतात. पण ज्याच्या आई-वडिलांचे संस्कार जसे असतात तो तसे बोलत असतो, शेवटी माझ्याबद्दल बोलत असताना कशाप्रकारे बोलले त्यातून संस्कार या माध्यमातून महाराष्ट्राला दिसणार आहे. त्यांच्या हाती सत्ता आहे, ते कुणावर हल्ले करू शकतात, कोणाच्या वडिलांचा डीएनए काढू शकतात, कोणावर अशाप्रकारे खालच्या पातळीवर बोलू शकतात, माझ्या आई-वडिलांचे तसेच पक्षाचे माझ्यावर तसे संस्कार नाहीत, जो कोणी व्यक्ती असं बोलले असेल, त्यांनी त्याच्या रक्ताचे संस्कार दाखवून दिले, असेही मिटकरी म्हणाले. दरेकरांच्या ‘औकात’ या शब्दावर मिटकरी बोलताना म्हणाले की माझी औकात काय हे मला पण माहिती. तुम्ही माझी औकात काढताय, शेवटी तुम्ही महाराष्ट्रातील राजकारणातील सिनिअर नेते आहात. तुमच्या तोंडी अशी भाषा शोभत नाही. माझ्या प्रश्नावर अशी औकतीचं उत्तर देत असाल तर यापेक्षा चांगली भाषा मला करता येते. आज माझ्या पक्षाचे संस्कार आहेत, जे भाजपमध्ये संस्कार आहे, त्यापेक्षा माझा पक्षा वेगळा आहे. ‘मी’ लहान आहे, तेवढी उंची नाहीये, औकात काय, त्यांच्यावर बोलण्या एवढा पात्र नाही. या सर्व गोष्टी दरेकर साहेबांच्या मान्य करतो. असेही मिटकरी बोलले. पण अकोलकर म्हणून एक प्रश्न होता, २५ वर्षाच्या विकास कामाबद्दल बोला, माझी औकात काढून, नालायक म्हणून ते प्रश्न मिटणार नाहीत. औकात काय ते तुम्हाला २०२४ निवडणुकीत जनता औकात दाखवेल, असेही ते म्हणाले. # सत्यप्रभा न्यूज # नांदेड
‘मंगलाष्टका रिटर्न्स’मधून २३ मे रोजी उलगडणार सुलट प्रेमाची उलट गोष्ट!
