दत्तात्रय सज्जन
नांदेड दि.१३ : देशभरासह जगातील ४३ देशांमध्ये पत्रकारांचे संघटन असलेल्या सर्वात मोठ्या व्हॉईस ऑफ मीडिया या संघटनेचे संस्थापक तथा राष्ट्रीय अध्यक्ष संदीप काळे यांच्या मार्गदर्शनाने व प्रदेशाध्यक्ष अनिल म्हस्के यांच्या नेतृत्वात लोकशाही पद्धतीने तालुका, जिल्हा, प्रदेश पदाधिकार्यांची निवड करण्यात येते. ऑनलाइन पद्धतीने राज्यभरातील पत्रकारांना या निवडणुकीच्या माध्यमातून योग्य नेतृत्वाला पसंती देण्याची संधी मिळत आहे. याच्या अगोदर राज्य कार्यकारिणीसाठी मतदान प्रक्रिया पार पडली होती व आता महाराष्ट्रातील नांदेड जिल्हा कार्यकारिणीसाठी आज निवडणूक संपन्न झाली. जिल्हा अध्यक्ष,कार्याध्यक्ष, उपाध्यक्ष, सरचिटणीस, कोषाध्यक्ष व जिल्हा सदस्य ,इत्यादी पदांचा निवडणूक कार्यक्रम जाहीर करण्यात आला होता. संघटनेत दोन व त्या पेक्षा अधिक वर्षं चांगले काम करणाऱ्या आणि उत्कृष्ट कामगिरी बजावणाऱ्या इच्छुक उमेदवाराकडून अर्ज मागवण्यात आले होते. आलेल्या अर्जाची छाननी होऊन त्या अर्जातून २१ उमेदवारांचे अर्ज मंजूर करण्यात आले. या निवडलेल्या २१ उमेदवारांनी आज आपले नशीब आजमावले. अनुक्रमे एक नंबरचे मतदान ज्या पदाधिकारी यांना होईल त्याला त्या प्रमाणे अध्यक्ष पद देण्यात येईल. आज सकाळी १० ते ५ दरम्यान ऑनलाइन गुगल फॉर्म द्वारे मतदान घेण्यात आले, सोळा तालुक्यातील सर्व अध्यक्ष, उपाध्यक्ष, सचिव व मावळत्या जिल्हा कार्यकारिणीतील २१ उमेदवारांना मतदान करण्याचा अधिकार देण्यात आला होता. एकूण ८२ टक्के मतदारांनी आपला मतदानाचा हक्क बजावल्याचे निवडणूक मुख्य अधिकारी व प्रदेश उपाध्यक्ष अजित कुंकुलोळ यांनी माध्यमांना सांगितले. निवडणुकीचा निकाल दि.१३ नोव्हेंबर २०२४ रोजी सकाळी ११ वाजता जाहीर करण्यात येणार असल्याचे ही ते म्हणाले.
या मतदान प्रक्रियेसाठी निवडणूक मुख्य निर्णय अधिकारी म्हणून अजित कूंकुलोळ,निवडणूक प्रक्रिया अधिकारी अॅड.संजीवकुमार कलकोरी, मुंबई हायकोर्ट व निवडणूक अधिकारी सी.ए.सुरेश शेळके हे काम पाहत आहेत.
हे आहेत नांदेड जिल्हा कार्यकारिणी निवडणूक उमेदवार डॉ. गणेश जोशी, नागोराव भांगे पाटील, बाळासाहेब पांडे, रवींद्र कुलकर्णी, सूर्यकुमार यन्नावार, शरद काटकर, सुनील जोशी, सुरेश आंबटवार, ऋषिकेश कोंडेकर, भगवान सूर्यवंशी, प्रवीणकुमार सेलूकर, अनिल धमने, तुकाराम सावंत, आनंद सावंत, मनोज बुंदेले, एस एम मुदखेडकर, ज्योती सरपाते, राज्यपाल गायकवाड, श्रीधर नागापूरकर, सिद्धार्थ तलवारे, राजपाल चिखलीकर.
#सत्यप्रभा न्यूज #नांदेड
