उस्मानपुऱ्यातील तीन चोरटे जेरबंद, चोरीतील रक्कम चोरट्यांनी आपसात वाटून घेतली ! सातारा परिसरात घरफोडी करणाऱ्या चोरट्यांच्या मुसक्या पुंडलिक नगर पोलिसांनी आवळल्या

उस्मानपुऱ्यातील तीन चोरटे जेरबंद, चोरीतील रक्कम चोरट्यांनी आपसात वाटून घेतली ! सातारा परिसरात घरफोडी करणाऱ्या चोरट्यांच्या मुसक्या पुंडलिक नगर पोलिसांनी आवळल्या

छत्रपती संभाजीनगर प्रतिनिधी |
विजय पाटील |
दि १५/०९/२०२३
छत्रपती संभाजीनगर
पुंडलिकनगर पोलिसांनी सातारा पोलिस स्टेशन हद्दीतील गुन्ह्यातील घरफोडीचे आरोपी जेरबंद केले. कारगील मैदान परिसरात सापळा लावून पोलिसांनी उस्मानपुऱ्यातील तीन चोरट्यांच्या मुसक्या आवळल्या. आरोपींच्या ताब्यातून चोरीस गेलेले चांदीचे भांडे व इतर चांदिचे साहित्य एकूण 70,000/- किंमतीचे जप्त करण्यात आले आहे. चोरीतील रोख रक्कम चोरट्यांनी आपसात वाटून ती खर्च केल्याची कबुली दिली.
दिनांक 12/09/2023 रोजी पोउपनि शेळके यांना गुप्त बातमीदाराकडून मिळालेल्या बातमीनुसार तीन जण हे चोरीचे दागिने विक्री करण्यासाठी फिरत आहेत व ते कारगील मैदानकडे येणार आहे. ही खात्रीशिर माहिती मिळाल्याने पुंडलिक नगर पोलिसांनी तात्काळ सापळ्याचे नियोजन केले. सदर ठिकाणी 19.00 वाजेच्या सुमारास मिळालेल्या बातमीदाराच्या वर्णनाप्रमाणे तीन जण येताना पोलिसांना दिसले. त्यांना विचारपुस केली असता त्यांनी उडवाउडवीचे उत्तरे दिल्याने पोलिसांनी त्यांच्याकडे अधिक विचारणा केली असता त्यांची नावे 1) अनिल प्रकाश पौळ वय 28 वर्षे रा. रेल्वे पटरी जवळ मिलींदनगर, उस्मानपुरा, 2) अनिल प्रभाकर गायकवाड वय 33 वर्षे रा. मुरलीधरनगर, उस्मानपुरा, छत्रपती संभाजीनगर, 3) विनोद विजय बत्तीसे वय 32 वर्षे रा. मिलींदनगर, उस्मानपुरा, छत्रपती संभाजीनगर। असे सांगितले.
विनोद विजय बत्तीसे यांच्या हातातील पिशवीमध्ये काय आहे असे विचारले असता तो उडवाउडवीचे उत्तरे देत असल्याचे समजल्याने पोलिसांनी पिशवीची झडती घेतली. पिशवीमध्ये चांदी सारख्या धातुचे ताटे, फुल पात्र, ग्लास, समई, संघीपात्र अशा वस्तू दिसून आल्या. पोलिसांनी त्यास सदर वस्तू बाबत विश्वासात घेवून विचारपुस केली असता त्याने सांगितले की, मी व माझ्या सोबत अनिल पौळ, अनिल गायकवाड व प्रेम उर्फ भैय्या संजय खरे (रा. मिलींदनगर, उस्मानपुरा, छत्रपती संभाजीनगर) असे चौघांनी सुमारे 15 ते 20 दिवसांपूर्वी रात्रीच्या वेळी निशांत पार्कच्या पाठीमागे असलेल्या एका बंद घराचे लॉक तोडून घरातील चांदीच्या वस्तु व रोख रक्कम चोरी केली होती.
1) अनिल प्रकाश पौळ वय 28 वर्षे रा. रेल्वे पटरी जवळ मिलींदनगर, उस्मानपुरा, 2) अनिल प्रभाकर गायकवाड वय 33 वर्षे रा. मुरलीधरनगर, उस्मानपुरा, छत्रपती संभाजीनगर, 3) विनोद विजय बत्तीसे वय 32 वर्षे रा. मिलींदनगर, उस्मानपुरा, छत्रपती संभाजीनगर अशी आरोपींची नावे आहेत.
सत्यप्रभा न्यूज