छत्रपती संभाजीनगर | प्रतिनिधी | गंगापूर | छत्रपती संभाजीनगरच्या स्थानिक गुन्हे शाखेने जामगाव (ता. गंगापूर) येथे गावठी पिस्तूल विक्रीसाठी आलेल्या युवकाला गुरुवारी (१ मे) अटक केली. किरण जाधव (रा. जिकठाण, ता. गंगापूर) पकडण्यात आलेल्याचे नाव आहे. (Chhatrapati Sambhaji Nagar)
पोलिसांना गोपनीय बातमीदाराकडून एक व्यक्‍ती जामगाव येथे गावठी पिस्तूल जीवंत काडतुसे विक्रीसाठी येणार असल्याची माहिती मिळाली होती. पोलीस निरीक्षक सतिश वाघ यांच्या मार्गदर्शनाखाली सहायक पोलीस निरीक्षक पवन इंगळे यांनी सहकाऱ्यांसह जामगावला जाऊन सापळा रचला. कायगाव- गंगापूर रोडवरील जामगाव फाट्यावर किरण जाधवला ताब्‍यात घेतले. झडतीत त्याच्या कमरेला एक गावठी कट्टा व त्यात दोन जिवंत काडतूसे मिळून आली.
त्‍याच्याविरुद्ध पोलीस अंमलदार वाल्मीक निकम यांच्या तक्रारीवरून गंगापूर पोलीस ठाण्यात गुन्हा दाखल करण्यात आला आहे. अधिक तपास गंगापूर पोलीस करत आहेत. ही कामगिरी पोलीस अधीक्षक डॉ. विनयकुमार राठोड, अप्पर पोलीस अधीक्षक श्रीमती अन्नपूर्णा सिंह यांच्या मार्गदर्शनाखाली स्थानिक गुन्हे शाखेचे पोलीस निरीक्षक सतिश वाघ, सहायक पोलीस निरीक्षक पवन इंगळे, पोलीस उपनिरीक्षक दीपक पारधे, पोलीस अंमलदार वाल्मीक निकम, सुनिल खरात, विठ्ठल डोके, गोपाल पाटील, शिवानंद बनगे, संजय तांदळे, राहुल गायकवाड, योगेश तरमाळे, जीवन घोलप यांनी केली.
#सत्यप्रभान्यूज #छत्रपतीसंभाजीनगर
