जालना दि.२७ ऑगस्ट: मराठा आरक्षणाच्या मागणीसाठी मनोज जरांगेंच्या नेतृत्त्वाखाली अंतरवाली सराटी ते मुंबई मोर्चा काढला जाणार आहे. आज सकाळी जरांगे 10 वाजता अंतरवाली सराटीवरुन निघतील. तत्पूर्वी त्यांनी पत्रकार परिषद घेतली. आता आरपारची लढाई आहे, संयम ढळू देऊ नका, ही लढाई आपल्याला जिंकायचीच, असं ते म्हणाले.
मी गोळ्या खालया तयार, पण मागे हटणार नाही; मुंबईत आंदोलन करण्यावर जरांगे ठाम
जरांगे म्हणाले, अशी लढाई जगाच्या पाठीवर झाली कधी नसेल. आपल्याला ही लढाई जिंकायचीच आहे. कितीही दिवस लागले तरी संघर्ष चालू ठेवायचा. आता थांबायचं नाही. शांततेत मुंबईकडे निघायचे. समाजाची मान खाली होईल असे एकानेही वागायचे नाही. आपल्याला भडकावण्याचा प्रयत्न केला जाईल. पण आपण शांत डोक्याने जायचं. आता आरपारची शेवटची लढाई लढायची अन् ही लढाई जिंकायची आहे, असं जरांगे म्हणाले.
मराठा आरक्षणाच्या प्रश्नावरून राज्यातील जनतेचे लक्ष वेधून घेतलेल्या आंदोलनाचे नेते मनोज जरांगे यांनी पुन्हा एकदा सरकारला कठोर इशारा दिला आहे. “आता आरपारची लढाई लढायची वेळ आली आहे, पण संयम ढळू देऊ नका. आपली ताकद ही शांततेत आहे आणि जनशक्ती हीच खरी क्रांती घडवणारी आहे,” असे जरांगे यांनी स्पष्ट केले.
ते म्हणाले की, मराठा समाजाने गेल्या कित्येक महिन्यांपासून धैर्याने आणि संयमाने आपले मागणे मांडले आहे. मात्र, सरकारकडून वारंवार आश्वासनांची खेळी केली जात असून अद्याप ठोस निर्णय घेतलेला नाही. “जनतेची सहनशक्ती संपत चालली आहे, पण आपण रस्त्यावर उतरताना शांतता हरवू नये. सरकारला दाखवायचं आहे ते आपल्या एकतेचं आणि संयमाचं बळ,” असे ते म्हणाले.
जरांगे यांनी स्पष्ट केले की, ही लढाई केवळ आरक्षणापुरती मर्यादित नाही तर समाजाच्या न्याय-अन्यायाच्या प्रश्नावर आधारित आहे. “शांततेतून क्रांती घडवणं हेच आपलं शस्त्र आहे. उग्र होऊन सरकारला कारण द्यायचं नाही. सरकारला हे लक्षात घ्यावं लागेल की समाज आता फसवणूक सहन करणार नाही,” असा इशारा त्यांनी दिला.
यावेळी जरांगे यांनी कार्यकर्त्यांना आवाहन केले की, गावागावातून लोकांनी एकत्र येऊन जनशक्तीच्या माध्यमातून सरकारवर दबाव आणावा. “आता लढाई ही शेवटची आहे. हा हक्क मिळाल्याशिवाय आपण माघार घेणार नाही,” असे ते म्हणाले.
दरम्यान, मराठा आरक्षणाच्या मागणीसाठी सुरू असलेल्या चळवळीला राज्यभरातून वाढता पाठिंबा मिळत असून पुढील काही दिवसांत ती आणखी तीव्र होण्याची शक्यता आहे.
