नांदेड दि१७: .२१जून २०२४, आंतरराष्ट्रीय योग दिनानिमित्त दिनांक १९ ते २१जून २०२४ दरम्यान नांदेड येथील यशवंत महाविद्यालयाच्या परिसरातील बहूउद्देशीय क्रीडा संकूल येथे, योग अभ्यासावर अधारित मल्टीमिडीया चित्र प्रदर्शनाचे आयोजन करण्यात आले आहे.
या प्रदर्शानाचे आयोजन माहिती आणि प्रसारण मंत्रालयाचे केंद्रीय संचार ब्यूरो, नांदेड व श्री शारदा भवन एज्यूकेशन सोसायटी, नांदेड यांच्या संयूक्त विद्यमाने करण्यात येत आहे.
या प्रदर्शनाचे उद्घाटन दिनांक १९ जून २०२४रोजी सकाळी 11.00 वाजता महाराष्ट्र राज्याचे माजी मुख्यमंत्री तथा खासदार अशोकराव चव्हाण यांच्या हस्ते होणार असून यावेळी मा.मंत्री तथा श्री शारदा भवन एज्यूकेशन सोसायटी सचिव डी. पी. सावंत , जिल्हाधिकारी अभीजित राऊत, नांदेड वाघाळा महानगरपिलीकेचे आयुक्त महेश डोईफोडे, जिल्हा माहिती अधिकारी प्रविण टाके, जिल्हा क्रीडाधिकारी सुनिल बेतीवार, नगर रचना विभागाचे सहायक संचालक पी.एल. आलूरकर, क्षेत्रीय प्रचार अधिकारी माधव जायभाये, द आर्ट ऑफ लिविंगचे समन्वयक शिवा बीरकले, सहायक क्षेत्रीय प्रचार अधिकारी सुमित दोडल आणि सर्व प्राध्यापक वर्ग तसेच संस्थेचे कर्मचारी-विद्यार्थी आदी मान्यवर उपस्थित राहणार आहेत.
या प्रदर्शनानिमित्त संपर्ण योग अभ्यासाची माहिती विद्यार्थी आणि शिक्षकांना मिळावी यासाठी दिनांक १९ ते २१ जून दरम्यान यशवंत महाविद्यालयाच्या परिसरातील बहूउद्देशीय क्रीडा संकूल येथे द आर्ट ऑफ लिविंग संस्थेच्या सहकार्याने सकाळी ७ ते ८ वाजेदरम्यान योग शिबिराचे आयोजन करण्यात आले आहे, योगाभ्याची माहिती विद्यार्थांना मिळावी यासाठी विविध शाळांमध्ये योगावर अधारित पोष्टर स्पर्धा आणि सांस्कृतिक कार्यक्रमाचे आयोजन करण्यात आले आहे. दिनांक २१जून २०२४रोजी जनजागृती रॅलीचे आयोजनही करण्यात आले आहे.
यावर्षीच्या आंतरराष्ट्रीय योग महोत्सवाची संकल्पना “महिला सक्षमीकरणासाठी योग” ही असून यावर्षी १० वा आंतरराष्ट्रीय योग दिवस साजरा होणार आहे. महिलांच्या कल्याणावर लक्ष केंद्रित करून आणि जागतिक आरोग्य आणि शांतता यांना प्रोत्साहन देऊन योगाभ्यासाला एक व्यापक चळवळ म्हणून चालना देणे हा योग महोत्सव २०२४ चा उद्देश आहे.
#सत्यप्रभा न्युज #नांदेड
