तुषार कांबळे ! हदगाव प्रतिनिधी !
हिमायतनगर तालुक्यातील रयत सेवाभावी प्रतिष्ठान जवळगाव तर्फे अक्षय तृतीया चे शुभमुहूर्तावर महाताळा (निवघा बाजारजवळील) ता. हदगाव जि नांदेड येथील पिडीत कुटुंबातील चि.सौ.का. वैष्णवी गजानन रुमाले वधू ला कन्यादान साहित्य किट दिनांक-19-4-2026 रविवारी सकाळी ठिक-10 वाजता वधू च्या महाताळा गावी घरपोच देण्यात आली. वधू च्या घरची परिस्थिती अत्यंत गरिबीची हालाखीची आहे. वधूच्या वडिलांनी कर्जाला कंटाळून 12 वर्षांपूर्वी आत्महत्या केली होती.त्यावेळी वधू 6 वर्षाची, बहीण 4 वर्षाची, भाऊ 2 महीन्याचाच होता.वधूचे आईवडील दोघेही दुसऱ्याच्या शेतात मोलमजुरी करून संसाराचा गाडा चालवत असताना वडिलांनी कर्जाला कंटाळून आत्महत्या केल्यामुळे सर्व जबाबदारी वधू च्या आईवर पडली होती आईने मोलमजुरी करून संसाराचा गाडा चालवत लेकरांना शिक्षण शिकवले पुढे मुलीचे लग्न ठरले महागड्या काळात आई लग्न कसे करावे या चिंतेने वधू च्या लग्नाची काळजी करत होती . तिला रयत सेवाभावी प्रतिष्ठान जवळगाव ची माहिती अरुण पाटील चक्रीकर संतोष पाटील चक्रीकर यांनी दिली या मदतीच्या आवाहनाला दानशूर दात्यांनी सढळ हाताने मदत केली ती मदत देताना मदतीच्या वेळी रयत सेवाभावी प्रतिष्ठान जवळगाव चे संस्थापक अध्यक्ष श्री. सटवाजी गणपतराव पवार सर जवळगावकर, तसेच महाताळा गावातील सरपंच, उपसरपंच, ज्येष्ठ नागरिक, प्रतिष्ठित नागरिक, माता भगिनी बालगोपाल मोठ्या संख्येने उपस्थित होते.
ही कन्यादान रुपी भांडे किट पाहून वधू चि. सौ.का.वैष्णवी गजानन रुमाले वधू ची आई च्या डोळ्यातून अश्रु अनावर झाले होते. उपस्थित गावकरी मंडळी यांनी रयत सेवाभावी प्रतिष्ठान जवळगाव च्या सर्व दानशूर दाते व संस्थापक अध्यक्ष श्री सटवाजी गणपतराव पवार सर जवळगावकर यांचे मनापासून आभार मानले तसेच तोंड भरून कौतुक करण्यात आले.
